أول خطوة في المشوار


“مش هتشوفلك حل في بنتك يا حامد!! شايفني صوتي منبوح وهتجنن و أنت قاعد تقرا الجرنال!! يا راجل قوم أعمل حاجة”.. كانت هذه هي  كلمات السيدة عزة التي وجهتها لزوجها حامد و هي في شجار عنيف مع أبنتها أمل…

*******

يفتح باب الشقة في الساعة التاسعة و النصف بهدء..وتدخل المنزل أمل التي عادت و هي تحمل علي ظهرها حقيبة مدرسية ويغطي وجهها وشاحاً  أسود لا يظهر منه سوي عيناها..

عزة تتحرك في غرفة المعيشة حركة دائرية داخل الغرفة في عصبية شديدة لدرجة أنها لم تلحظ صوت فتح و غلق باب الشقة…

ويكسر الصمت صوت أمل “ماما أنا جيت!”

تهرع الأم من الغرفة..”أمل ! أنتي جيتي! كنتي فين يا بنتي؟؟؟ البلد والعة!! أنا مش ناقصة!”

أزاحت أمل الوشاح عن وجهها مضيفة ” كنت في الميدان يا ماما! وعارفة أن الدنيا والعة ..ما هي لازم تولع باللي بيحصل ده!!”

تصعق الأم من الرد ” في الميدان !! أنت أتجننتي .. يا بنتي يا حبيبتي أبوس أيدك أنا مش ناقصة !! أنا عندي الضغط و السكر أنتي عايزة تخلصي عليا!! ؟؟”

فتحاول أمل تهدئتها دون التنازل عن رأيها..”يا أمي.. بعد الشر عليكي!! بس البلد محتاجلنا!! محتاجة لكل واحد فينا!!”

فترد عزة بعصبية شديدة ” يا ستي ما في مليون واحدة تانية لازم أنتي ياعني!! يا بنتي حرام عليكي اللي بتعمليه فيا ده كفاية اللي بشوفه في التلفزيون!!! أعقلي أن مخي هيضرب “

فتبدأ أمل في الأنفعال بعض الشئ “يا ماما ماهو الطريقة دي اللي خاربة كل حاجة !! كل واحد يقعد يقول ماجتش عليا أو علي ولادي!! لازم كلنا نعمل حاجة !! أقولك ؟ ما تيجي معايا ؟أهو تبقي معايا بالمرة !”

ترد عزة في عصبية شديدة ” يا بت حرام عليكي أنا ناقصاكي!!! أنا عارفة ثورة أيه اللي أكلت دماغكو ! ما أحنا عايشين و كويسين !”

هزت عزة رأسها نفياً “عايشين؟ لا مش عايشين أحنا ماشيين جنب الحيط!! كل حاجة بايظة و كل حاجة فسدانة!”

فترد الأم بتهكم ” وأنتو بقي اللي هتصلحو الكون؟ و هتنضفو البلد؟؟ شوية العيال اللي هناك؟” ثم تضيف في قلق ” يا بنتي أنا قلبي عليكي و علي مصلحتك..مش عايزة يجرالك حاجة !! “

“أه شوية العيال دي هتهد جبال يا ماما و بكرة تشوفي..و يا ماما أنا مقدرة قلقك بس أنا مقدرش أشوف البلد كدة و أقعد مربعة مستنية الفرج !! لازم أبقي مع الناس قلباً و قالباً كلنا لازم نبقي أيد واحدة!!” قالتها أمل في عصبية

“يا بنتي أرحميني من كلام الشعارات ده!! ده كلام مبيجبشي همه!!!”

ثم تنظر عزة الي زوجها “مش هتشوفلك حل في بنتك يا حامد!! شايفني صوتي منبوح وهتجنن و أنت قاعد تقرا الجرنال!! يا راجل قوم أعمل حاجة “.. و تضيف “أنتو الأتنين هتخلصوا عليا!!”

أمال حامد الجريدة .. ونظر الي كليهما في صمت  وفي جدية شديدة ..ثم أضاف موجهاً حديثه لأمل “أمل أنتي عارفة أنت حجم الموضوع ده إيه؟ عارفة عواقبه؟”

أومأت أمل برأسها موافقة ثم أضافت ” أيوا عارفة..و مش خايفة!”

تنفس حامد بهدوء  ثم ترك الجرنال من يده و وضعه جانباً ثم قام من مجلسه متوجهاً نحو زوجته مضيفاً “أحنا عشنا حياتنا كلها يا عزة نربيها علي أنها تعمل الصح.. وتدافع عن الحق.. وتمنع الشر..ودي أول فرصة.. أول فرصة تيجي مش لبنتك بس ..بس لشعب بحاله أنه يقول لأ.. أنه يدافع عن الحق.. أنه يقف في وش التيار.. وده أختيارها و لو حرمناها منه هنبقي بنغلط في حقها..”

وهنا أنهارت عزة وأنخرطت في بكاء شديد تضرب صدر زوجها بقبضتها في صمت ” مش عايزة يجرالها حاجة!! دي بنتي يا ناس!! بنتي!! أن أم حقي أخاف عليها و أحميها !!”

فأضاف حامد ” وواجب عليكي تديها حقها و حريتها!”

وهرعت أمل الي أمها تحتضنها و تحاول أن تطمئنها “متخافيش يا ماما هرجعلك مش هروح حتة .. أمال مين يطلع عينك زي؟”

وهنا أبتسمت عزة في وسط بكائها “روحي ربنا يفتحها في وشك يا أمل يا بنت بطني..”

ونظر حامد في عينا أبنته مضيفا ” أمل..أنتو الأمل بتاعنا.. أنتو المستقبل.. بس زي مقلتلك اللي ليكي.. لازم أقولك أيه اللي مستنيكي.. لو نجحتو و متحدتوش .. وبقيتوا حاجة واحدة.. قرارت واحدة .. فكر واحد.. رأي واحد.. كل اللي هتعملوه هيروح هدر… اللي أنتو فيه ده لسه خطوة و لو نجح مش معناها نجاح ساحق.. معناها أن دي أول خطوة في المشوار.. “

One thought

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Sableyes

Sabbles woz 'ere

Michael Ehrhardt

Permanenter Ausstellungsraum

The Neighborhood

Society online's creative conscious.

Dates & Saffron

Digging into my middle eastern roots one stew at a time

thaqafamagazine.wordpress.com/

ARAB THOUGHT / ROOTS / CULTURE

Sharing History

Reflections of a Public Historian

Matt Miklic

Designer, and other useful things.

Author Mccloskey Speaks

A great WordPress.com site

3rdculturechildren

life of a globetrotting family of 5 in the US foreign service

purelysubjective

working out how to be an artist in this world

In Sight

"A moment's insight is sometimes worth a lifetime's experience" - Oliver Wendell Holmes

Her Life Inspired

A parenting and lifestyle blog that features parenting advice, recipes, DIY ideas, fashion tips and inspiration

2Summers

An American in Quirky Johannesburg

%d bloggers like this: