شبشب من غير حزام


طبعاً اول ما  هتقروا التتر هتقولوا طارق بيخرف تخاريف صيام …او  عنده حالة   من الاستبحس المزمن…شيء طبيعي!! بس الفكرة انه فعلاً  شبشب من غير حزام..أنهاردة نزلت علشان اشتري شبشب جديد لأني كنت بصراحة في حاجة لواحد..طبعاً الشبشب ده موضوع من أسهل ما يمكن بس مش معايا!!  ليه بقي؟ اقولكم ليه! لأنه انا  للأسف جلدي  حساس!ايواً حساس! و سامع  التريقة شغالة من الصف اللي ورا!! المهم  المشكلة انه جلدي بيلتهب من أي حاجة وبيعمللي انتيفوسفوس في الحمبلاص! فلازم شبشب  يريحني…و في خمس  سنين جواز كان في شبشب يتيم  مريحني..مراتي الحقيقية حاولت محاولات مستميتة انها تتخلص منه  و لكن كل المحاولات بأت بالفشل…لغاية ما الشبشب الحقيقة هو اللي حطني قدام الأمر الواقع و اصبح ما قداميش غير اني اشتري شبشب  جديد…لانه أعلن أعتزاله بطلوعه من بعضه بطريقة أنه يصعب اعادته لوضعه الاول! و هسيب ده لخيالكو!

المهم نزلت أجيب الشبشب و انا لابس تي شيرت و بنطلون جينز…المهم بعد ما نزلت أكتشفت اني ملبستش حزام مع الجينز ….فكرت أطلع أجيب بس جتلي فكرة قلت لنفسي ما أجرب اشوف موضوع النطلونات السايبة اللي الشباب المتطور مش المتحجر زي حالاتي لابسه يمكن اشوف من التجربة دي ايه المتعة في الموضوع!!!

ونزلت زي الباشا و كل تلاتين ثانية برفع البنطلون..لغاية ما ركبت العربية! جوا العربية كان كله زي الفل! لغاية ما وصلت المول!! و نزلت و عينيك متشوف الا النور.. كل تلاتين ثانية برفع البنطلون! قعدت في بالي اقول” ايه يا عم الحكاية السودة دي!!” و شوية احس بهوا ساقع ورا !! “ايه يا عم الرياح الجنوبية الوسطي!!” لقيت الموضوع غير مسلي بالمرة.. وطول ما أنا ماشي حاسس ان بنطلوني هيقع و هتاخد اداب و ايه بقي يا ريس!! في رمضان يعني هيوجبو معايا احلي توجيب !! المهم طول ما انا ماشي ارفع في البنطلون لما زهقت .. حتي و انا واقف في المحل … حاجة سخيفة سخيفة يعني.. صحيح انا مسبتش اي حاجة تبان منعا لحالات الأغماء مش الاغراء اللي هتحصل و هتوديني في سثين داهية محشية بمصايب متعاصة بجلة!

ودخلت عملت فيها شرلوك هولمز قعدت افلي الشباشب و اشوف انهي واحد هيرأف بحال رجلي الحساسة و انا بقيت من كتر التنشنة شبه ماسك البنطلون بأيد واحدة…

المهم بعد ربع ساعة نجحت في اختيار الشبشب .. و طيارة يا معلم علي العربية من غير ما أجري طبعاً و الا كل محاولات حفظ ماء الوجه هتروخ في الصرف الصحي! وصلت للعربية وصاروخ علي البيت ..واول حاجة عملتها لما وصلت ! اني لبست حزام و بكدة انتهت حكايتي مع الشبشب من غير حزام !

3 thoughts

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Sableyes

Sabbles woz 'ere

Michael Ehrhardt

-permanenter ausstellungsraum-

The Neighborhood

Society online's creative conscious.

Dates & Saffron

Digging into my middle eastern roots one stew at a time

thaqafamagazine.wordpress.com/

ARAB THOUGHT / ROOTS / CULTURE

Sharing History

Reflections of a Public Historian

Matt Miklic

Designer, and other useful things.

Author Mccloskey Speaks

A great WordPress.com site

3rdculturechildren

life of a globetrotting family of 5 in the US foreign service

purelysubjective

working out how to be an artist in this world

In Sight

"A moment's insight is sometimes worth a lifetime's experience" - Oliver Wendell Holmes

Her Life Inspired

A parenting and lifestyle blog that features parenting advice, recipes, DIY ideas, fashion tips and inspiration

2Summers

An American in Quirky Johannesburg

%d bloggers like this: