مغامرات برقوق في بلاد فركوك – 2


الصباح يسطع علي مدينة فركوك التي تغطيها السحب الرمادية الناتجة من عادم السيارات و الغازات السامة الخ..

——————————————————————————————————————————

برقوق يستعد للعمل صباحا و هو واقف امام المرأة و يغني,

برقوق:انا الواد الفت النت الجامد طحن ! و يدندن ومداعباٌ ازرار قميصه

لمونة: يا راجل اتهد علي صبح ارحمنا من مواهب تسليك البلاعات دي

!برقوق: يا وليه يا عديمة الاذن الموسيقية ! ده اسمه فن

!لمونة: طب اتلهي انت و الفن بتاعك اللي انت طالع فيه و انزل روح شغلك ! خلينا نبتدي اليوم اللي شكله مش فايت ده

يرد برقوق بابتسامة واسعة مداعباً لمونة

برقوق: ماشي يا “لمن من” يا حياتي

 لمونة تظهر عند باب غرفة النوم وعلي وجهها علامات التعجب و القلق! و تنظر الي برقوق

لمونة: انت عارف اخر مرة دلعتني و قولتلي لمن من دي امتي ؟

برقوق يحاول التذكر و لكن لا يستطيع و يهز كتفيه مشيرا الي عدم تذكره

برقوق: مش فاكر؟

فترد لمونة و علي وجهها القمصة المصرية الشهيرة

!!لمونة: لما كنت بتتحايل عليا علشان امي تفاحة متطبش علينا في اسبوع العسل

!!برقوق: الله بقي ,ايه التقطيم ده يا وليه ده بكرة الفالنتين! متيجي نقلب العيال عند امك و اخدك افسحك

يروق للمونة ما تسمعه ثم لا تلبث أن تبداء انوثها تداعبها و هي تتلاعب بخصلات شعرها

لمونة بدلع: مش كنت بتقولي انا مش وش فالنتين؟؟

يدرك برقوق مدي عكه في الحديث مع لمونة بسبب لسانه الذي يسبقه دوماً و يحاول تعديل موقفه

!!برقوق: ده انت وش طبق بسبوسة ! يا حته كنافة مستخبية في شربات! ده انتي النور يا ام حرنكش

تشعر لمونة بكلام برقوق الجميل و يبداء فضولها في الأستحواذ عليها و علي وجهها ابتسامة طفولية : هتوديني فين ؟

 فيرد برقوق: هخدك في فلوكة و هنقعد في حتة اخر رومانتيك يا بت

لمونة : بجد ؟

“برقوق: بجد يا “لمن من

ترد لمونة في كسوف و استحياء و قد كسا وجنتيها حمرة الخجل

لمونة : طب اجري بقي خليني اوضب البيت

برقوق يداعب لمونة بحواجبه

لمونة : يا راجل اختشي احنا كبرنا علي الكلام ده

برقوق: وحيات امك تفاحة لنفضل عيال عالطول

لمونة: طب اجري يا راجل بدل ما تتأخر

برقوق يترك المنزل و بعد بضع ثواني .. تسمع لمونة اصوات سقوط و صريخ و زعيق

(!!الله يخرب بيوتكم يالي في التالت انتو و عيالكم و زبالتكم ! جاتكم الهم)

(وتضحك لمونة وهي تفكر في سرها هو ده جوزي لازم كل يوم يتكعور)

!!وتستمر اصوات الكحرتة ,السقوط و القطط

تتجه لمونة للبلكونة لتلقي نظره علي زوجها و هو راحل

برقوق ينفض بنطلونه وبعد دقيقتان يتكعور في البلاعة و يقوم مرة اخري و تعبر سيارة مسرعة و تمر في بركة ماء و تغرق بنطاله بالياه

!!يلعن برقوق: يحرقكو يا بعدا ! انتو و عربياتكم و مواسير المياه اللي مش بتتصلح ده

!!لمونة تضحك في انوثة و تتجه للداخل و تتخيل الغد الذي سياخذها فيه برقوق للفسحة

**************************************** 

اليوم هو عيد الحب و برقوق كان قد قرر ان ياخذ لمونة في فسحة .. و قد اغمي عينيها بمنديل ليفاجئها و قد اخذها الي مكان يبدو انه مزدحم بعض الشيء

لمونة تحاول استنتاج مكانهم من الأصوات المحيطة

لمونة: احنا فين يا برقوق انا سامعة صوت ناس كتير

يرد برقوق في منتهي الحماس

!!برقوق: في حتة جميلة قوي يا لمونة

و تسمع لمونة أصوات صراخ و الفضول و القلق من مقالب برقوق يكادو يقتلوها

لمونة: انا سامعة صويت يا برقوق ! انت جايبني الاسعاف يا راجل انت ؟؟؟

!!برقوق: اسعاف ايه يا ولية الله يكسفك

ويضحك برقوق , و يوجه لمونة امامه و يقطع تذكرتان من شباك

تتحمس لمونة جدا عند سماعها أصوات التذاكر

!!لمونة: انا سامعة تذاكر ! جايبني السيما !!! الله يا برقوق انا بحب السيما قوي

يضحك برقوق في سره

!برقوق: هايل هو كده بالظبط خليكي بس مغمية عنيكي انتي بس وكله هيكون فل

لمونة تومئ برأسها موافقة

!!يدخل الاثنان و يجلسون في كراسي و تبداء الكراسي في التحرك

 !!لمونة : برقوق ! احنا بنمشي !! سينما سيارات دي ولا ايه يا جدع أنت !! أنت سرقت عربية يا برقوق و لا أيه

!برقوق : استني ثانية واحدة

وبعد عدة ثواني يقوم برقوق برفع الغمامة و يكون الاثنان في مكان شديد الظلمة

 لمونة تنظرحولها في محاولة لأستكشاف مكانهم

لمونة: دي مش سيما ! وانا مش شايفة حاجة يااااااااااا

قبل ان تضيف لمونة كلمة اذ بيد كبيرة تحتضنها و تتنزعها من الكرسي

وينظر برقوق و لا يجد لمونة

برقوق: انتي رحتي فين يا ولية ؟؟؟؟

لمونة تصرخ و تصرخ ولكن برقوق ابتعد

ويخرج برقوق من الباب الامامي في الكرسي المتحرك

!!ويبدا في البحث عن لمونة

!!واذ بحقيبة تنهال علي راسه

!!لمونة: انا تجبني بيت الرعب يا وش النحس طب والله لمورياك

!و تنهال علي برقوق ضربا الذي يضحك و يبدا في الجري في الملاهي من لمونة

برقوق: مش قلتلك هنفضل صغيرين ؟؟؟

!وتنهال عليه لمونة بالحقيبة مرة اخري! واخري! واخري

وبعد ساعة من الضرب المبرح يتعب الاثنان و يجلسان ليرتاحا

!لمونة: برقوق ! انت لازم توديني فلوكة حق البهدلة اللي انت بهدلتهالي دي

برقوق: بهدلة ؟؟ امال اللي في وشي من الضرب ده ايه ؟؟؟

لمونة: دي شنطتي

وينهار الاثنبن ضاحكين

ويخرج الاثنان من الملاهي و يستقلا الميكروباص و ينزلا عند كورنيش مدينة فركوك و يحجزا فلوكة

وتبدا المركب في السير

وبعد فترة وجيزة يبدأ الجوع في مناجاة معداتهم  و يشعر الحبيبان بالجوع

لمونة : انا عاملالك السندوتشات اللي بتحبها يا برقوق

يرد برقوق مسرعاً دون أي تردد

برقوق: لايميني عليهم بسرعة لاحسن انا بصوصو

وعندما تنحني لمونة لاحضار السندوتشات يقوم برقوق لاستنشاق الهواء ويغمض عينيه ويفتح اذرعه لاستنشاق الهواء

برقوق: ايو هو دا الهوا ولا بلاااااا

وفي لحظتها كان الشراع يغير اتجاهه وصدم برقوق و اسقطه من اعلي الفلوكة في الماء

و تقوم لمونة: امسك يا برقوق

لمونة: برقوق ؟؟؟

!!لمونة: برقوق ؟؟؟ انت فين يا راجل

وفجاءة تجد لمونة يدين تحاولان الصعود علي المركب

و ترقع لمونة بالصوت الحياني

!برقوق : ده انا يا ولية يا مناخوليا

!!وبرقوق يصعد و كله مبلل وتنهار لمونة ضحكا

!!برقوق: اهو انتي كدة مفيش منك فايدة ابدا

!لمونة: ده بس ربنا علشان تحرم توديني بيت الرعب في الفالنتين

 وتنتهي جولة الفلوكة واثناء عودة الاثنان للمنزل يقفا لحظة امام محل كشري معين و يتبادلا النظرات بين المحل و بين بعضهم البعض

برقوق: فاكرة المكان ده ؟؟

!!لمونة: و انا اقدر انساه ! اول مكان نتقابل فيه و أكلت علقة بسببي

!!وتضحك ضحكة انوثية جدا

برقوق: طب يلا؟

لمونة: كشري ولا علقة ؟

!!برقوق: خلينا في الكشري المرة دي العولق جايين كتير

!ويضحك الاثنين و يدخلا الي المكان و يتشاركا في صحن كشري كبير

ولمغامرات برقوق بقية…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Sableyes

Sabbles woz 'ere

Michael Ehrhardt

-permanenter ausstellungsraum-

The Neighborhood

Society online's creative conscious.

Dates & Saffron

Digging into my middle eastern roots one stew at a time

thaqafamagazine.wordpress.com/

ARAB THOUGHT / ROOTS / CULTURE

Sharing History

Reflections of a Public Historian

Matt Miklic

Designer, and other useful things.

Author Mccloskey Speaks

A great WordPress.com site

3rdculturechildren

life of a globetrotting family of 5 in the US foreign service

purelysubjective

working out how to be an artist in this world

In Sight

"A moment's insight is sometimes worth a lifetime's experience" - Oliver Wendell Holmes

Her Life Inspired

A parenting and lifestyle blog that features parenting advice, recipes, DIY ideas, fashion tips and inspiration

2Summers

An American in Quirky Johannesburg

%d bloggers like this: