مغامرات برقوق في بلاد فركوك الحلقة الرابعة


الصباح يسطع علي مدينة فركوك التي تغطيها السحب الرمادية الناتجة من عادم السيارات و الغازات السامة الخ..

برقوق يدخل منزله متأخرا بعد العودة من وظيفته في الشيفونيرة الذهبية مجهدا…ويدخل من باب المنزل ليلاقي مالم يكن في الحسبان..

برقوق: حماتي تفاحة؟؟؟

تفاحة: ايوا يا جوز بنتي ! مالك مخضوض ليه ؟؟

برقوق: مخضوض؟؟ لا مصدوم ! قصدي مبسوط ! ده انتي منورانا!

وبرقوق يتمم في نفسه (ويا تري هتكتمي علي مراوحي لامتي يا اعز الحموات!)

ويضع  برقوق طلبات البيت علي السفرة ويدخل غرفته ليبدل ملابسه…

تفاحة توشوش لمونة: و ايه المرقعة اللي هوا فيها دي ! ازاي سايباه لمتأخركدة بره البيت من غير خناقة ! ها !! في ست متغيرش علي جوزها !

لمونة: ماهو يا ماما زي ما انتي شايفة ! لسه يا دوب داخل من الشغل !

تفاحة: شغل !!! شغل مين يابو شغل ده تلاقيه عينه زايغه انا اعرف الصنف ده كويس ! شوفي ابوكي مثلا زي الالف ميعرفش يورب من غيري مش انتي يا خايبة !

يخرج برقوق قبل دخوله للحمام : وازاي حمايا يا حماتي؟

تتنهد تفاحة متمتمة قبل ان تضيف: كويس يا برقوق..

لمونة: طب انا هاقوم اوضب العشا..

وتدخل لمونة المطبخ و يدخل برقوق الحمام

وتفاحة تقرر ان تضيف بعض من توابلها الخاصة في حياة برقوق و لمونة!

وتتسلل  تفاحة الي غرفة نومهم و تقوم بدس صورة لفتاة في منتصف عقدها الثاني في جيب القميص

ثم تتسلل و تعود الي مكانها في الخارج قبل ان يلمحها احد!

وتنادي علي لمونة: انا هانزل بقي يا لمونة !

لمونة: مالسه بدري يا ماما !

تفاحة توشوشها : انا قلبي مش مريحني الست العاقلة تقلب جوزها و تشوف بيخبي ايه من وراها !

لمونة: كلام ايه ده بس يا ماما !

تفاحة: زي ما بقلك كدة ! و يلا علشان الحق الاوتوبيس !

و تنزل تفاحة و لمونة تظل محتارة و تغلق الباب و تقرر ان تستكشف ثياب زوجها!

تذهب لمونة في غرفة النوم و تبدا في تقليب هدومه يمينا و يسارأ

و يدخل برقوق: بتعملي ايه يا وليه !

لمونة: بطمن علي مستقبلي !

ويضحك برقوق: ايه كا تكونيش فاكرة هتنزل فلوس !ولا هتكسبي اللوتاريا!

وهنا تبدا صورة في السقوط من جيب القميص و تبدو علامات الاستعجاب علي برقوق و علامات الغل علي لمونة!

لمونة: ايه دي ؟؟

برقوق: صورة؟؟؟ اظن !؟

لمونة: صورة ! و مين تطلع دي بقي !

برقوق ينظر الي الصورة: وحدة حلوة قوي ! جت منين الصورة دي ؟؟؟

يرفع برقوق حواجبه في تعجب

لمونة: نعم يا خويا ! وحدة حلوة قوي ! انت بتعرف ستات من ورايا !!

برقوق: هو انتي حد يعرف حد من قدامك لما يعرف من وراكي ؟ ده انتي مالكيش نمر حتي !

لمونة بغل شديد : انتي هتجنني يا راجل انت ! مين دي ؟

برقوق: طب و ريني كده ابص كويس ؟

لمونة تقوم بلطع الصورة في منتصف وجهه!

برقوق: يا وليه اتهدي و اعقلي !! ايه اللي بتهببيه ده !

لمونة: الدليل موجود!

برقوق: طب و البصمات !

لمونة: برقوق ! انا رايحة عند امي !!!

برقوق:  انا قلت الليلة دي فيها خل تفاح !

لمونة: قلت ايه ؟

برقوق: اه روحي علشان ترتاحي !

لمونة: كده يا برقوق !

برقوق: اه كده !

 

وتقوم بفتح باب الدولاب قويا و يصتدم بانف برقوق الذي يسقط علي السرير متأوهاُ في ألم و تقوم لمونة باخد بعض من حاجاتها  و تجمعها في حقيبة و تقوم بترك البيت !

حرنكش يخرج : هي ماما رايحة فين ؟؟

برقوق و هو ممسكا بانفه: عندها رحلة !!!

يرد حرنكش في تعجب: هي من امتي ماما في مدرسة !

ينظر اليه برقوق و يرد في حزم سريع : خش نام ياد !

                                                            *******************

تذهب لمونة عند امها التي تفتح لها الباب

تفاحة : ايه يا بت حصل ايه !

لمونة: بيخني يا ماما !! صورة بنت في هدومه !

تفاحة: تقومي تسيبي البيت من غير ما تبيتيه هو بره !!!!

لمونة: معرفش بقي !!!

تفاحة: يا بت انا اللي حطيت الصورة !!

تفاحة تضيف: انتي مش عارفة اني خاطبة !!!

لمونة تتنح لبرهة من الزمن !!!

لمونة: ليه يا ماما !

تفاحة: يا بت الخناق شطة الحياة !! لازم اولعهالكم شوية !!

لمونة: يا لهوي !!!!!!!!!!

تفاحة خشي نامي و الصباح رباح !

وتدخل لمونة لتنام !

                                                        *********************

   تستيقظ لمونة باكرا و تتسرب من منزل امها و تعود منزلها وتفتح الباب لتجد برقوق مستيقظا مبكرا لتحضير فطور الاولاد

لمونة: برقوق… انا.. رجعت !

برقوق: ليه ؟

لمونة: هو ايه اللي ليه !! موحشتكش ؟

برقوق: الصورة كانت مونساني !

لمونة: الصورة اللي متعرفهاش اصلا !

برقوق: و عرفتي منين ؟؟ من امك مش كدة !؟

وهنا احرجت لمونة

لمونة: خلاص بقي يا برقوق الشوشو لعب في دماغي و معرفتش اعمل ايه ! الدم ضرب فوق خلعلي برج !

وضحك هنا برقوق: برج؟؟ انتي عمرك طلعتي علي برج ؟ اخرتك طلعتي فوق سطوح بتكم اللي من تلات ادوار !

و يضيف برقوق: بس انا بقي هخلي الصورة !

لمونة: يعني ايه ؟

برقوق: شكلها حلو و عاجبني !

لمونة : و انا ؟؟؟؟

برقوق: مالك !!؟؟؟

هنا لاتستطيع لمونة تمالك نفسها و تجري الي المطبخ لتجد المقشة !

برقوق: اه … شكلو كده يوم هيزرق من اولها !

لمونة تجري وراء برقوق و تقوم بضربه و هو يضحك و يستمر في الهرب الي ان يتعب الاثنان !

برقوق: خلاص مش هخليها بس علي شرط !

لمونة: ايه ؟

برقوق: تخلي امك تشوف وحدة احلي شوية دي عندها حول !

ويضحك الاثنان و لمونة تنهال عليه ضربا من نوع اخر….

                                                                                                                    و للمغامرة بقية

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Sableyes

Sabbles woz 'ere

Michael Ehrhardt

Permanenter Ausstellungsraum

The Neighborhood

Society online's creative conscious.

Dates & Saffron

Digging into my middle eastern roots one stew at a time

thaqafamagazine.wordpress.com/

ARAB THOUGHT / ROOTS / CULTURE

Sharing History

Reflections of a Public Historian

Matt Miklic

Designer, and other useful things.

Author Mccloskey Speaks

A great WordPress.com site

3rdculturechildren

life of a globetrotting family of 5 in the US foreign service

purelysubjective

working out how to be an artist in this world

In Sight

"A moment's insight is sometimes worth a lifetime's experience" - Oliver Wendell Holmes

Her Life Inspired

A parenting and lifestyle blog that features parenting advice, recipes, DIY ideas, fashion tips and inspiration

2Summers

An American in Quirky Johannesburg

%d bloggers like this: