الصباح يسطع علي مدينة فركوك التي تغطيها السحب الرمادية الناتجة من عادم السيارات و الغازات السامة الخ..
—————————————————————————————————–
برقوق اسيتيقظ علي صوت خبط و رزع شديدين وحاول جاهدا ان ينام مرة اخري ولاكن بلا جدوي ولما بداء يفيق اجباريا بسبب الصوت ادرك ماهذا الصوت!
برقوق: حد يدق كفتة الساعة 8 الصبح ! ايه يا ولية يا كوبانية يا قليلة المفهومية!
تظهر لمونة في الحال عند الباب و في يدها سلاح خطير “ايد الهون”!
وتلوح به !: انا مقلتلكش يا جوزي اللي كلك مفهومية ومهلبية؟ ماما و بابا جايين يتغدو معانا انهاردة !
وهنا ادرك برقوق الصدمة!
برقوق: ثانية واحدة انتي جبتي اللحمة من فين ؟؟
لمونة: من عند الصرماتي ! اكيد من الجزار !
برقوق: حسبي الله !
لمونة: برقوق اوعي تكمل !
و تلوح بالهون اثناء كلامها !
ويلطم برقوق!
برقوق: احنا خلاص داخلين علي اخر الشهر !!! و العملية منفضة !!
لمونة: مش جوزي لازم يبان لارج !!
برقوق: لارج !!! روحي و انتي اكس اكس لارج !!
لمونة: برقوق ماما زمانها جاية ! قوم البس و اتعدل كدة !
برقوق: حاضر … ييووووووووه و انهاردة ماتش الفهلي و المسالك !
لمونة: وايه يعني !!
برقوق: و ايه يعني !!! يعني متعة ! يعني كورة ! يعني ماتش ! ايش فهمك انتي خليكي في الكفتة !
ويقوم برقوق و يستعد لليوم الذي امامه و يوضب نفسه !
***********
وبعد فترة وجيزة تحضر تفاحة و زوجها يوستفندي و يفتح لهما برقوق
برقوق بابتسامة مفتعلة جدا: اهلا اهلا حماتي و حمايا ازيكو !
تفاحة: كويسين يا جوز بنتي !
يوستفندي: ازيك يابني وحشتنا والله !
تفاحة: وحشك انت بس يا خويا !
يوستفندي: ماشي يا ستي !
ويدخل الجميع و جلسوا يتحدثون بعضا من الوقت ثم تقوم لمونة بمناداتهم للسفرة و يجلس الجميع!
تفاحة: يوستفندي هات طبق الكفتة هنا جنبي !
وذهب الطبق الذي راح قلب برقوق معه !!!
برقوق يتمتم ” يعني حماتي موجودة وكمان مفيش كفتة !!!”
وتبدا تفاحة في التهام الكفتة : معطية كل واحد قطعة صغيرة و اكملت هيا علي الصحن باكامل و الكل يتفرج في تتنيح تام !
وبرقوق يعض شفتيه ! و قامت لمونة بشوط قدمه من اسفل السفرة !!
لمونة توشوش برقوق: اتلم !
برقوق في نفس التبرة : حاضر !! بس الكفتة !!!!!
لمونة: اتلهي !
لمونة بابتسامة واسعة: بالهنا والشفا يا ماما!
تفاحة: تسلمي يا حبيبتي!
برقوق في سره: مطرح ما يروح !!! ذهبت الكفتة ولم تعد ! يا خسارة الكفتة!
************
وبعد الغذاء كان ميعاد الماتش بين الفهلي و المسالك !
وجلس يوستفندي و برقوق ليتفرجا في اهتمام !
وبعد بداية المباراة ببضع دقائق واثناء انتباه برقوق و يوستفندي بالمباراة !
تقوم تفاحة بخطف ريموت الكونترول وتغير القناة الي مسلسل عربي قديم معاد من مئة عام !
وبرقوق يصوت : يا حماتي الفهلي كان هيجيب جون !
تفاحة: المسلسل اهم !!!
وهنا استشاط برقوق غضبا ! وتمتم في سره ” يعني اصحي بقلة مزاج و مفيش كفتة و كمان مفيش ماتش !!! لا لنا هنا وقفة !!”
ودخل برقوق الحمام ووقف امام دواء جعل ابتسامته تزداد كان الدواء مكتوب عليه ” زيت خروع” الذي خبئه في جيبه اختفي بضع ثواني ثم لاحظ دخول لمونة للحمام اثناء تحضير الشاي !
و هنا وجد برقوق فرصته ! وقام بوضع الزيت في الشاي لتفاحة في كوبها المفضل !
وبعد فترة جلس الجميع و كانو يشربون الشاي و برقوق يستمتع بشايه و جلس في مزاج تام مما جعل تفاحة تشعر بشئ من القلق !
وبعد نصف ساعة بداءت تفاحة تصوت : حمام حمام !!!
وبداء برقوق في الضحك لم يستطع تمالك نفسه !
و هرولت تفاحة للحمام !!
ويوستفندي استمال علي برقوق: انت عملت ايه ؟
برقوق: عملت فيك طيب !!! زيت خروع فيه الشفا كمل انت الماتش في البيت يا عمي !
يوستفندي: برافو عليك يابني والله !!
وخرجت تفاحة : يلا يا يوستفندي قبل ما العملية تشتغل تاني !! لحسن مش هقدر !!
يوستفندي يغمز لبرقوق في خباثة و يرد علي تفاحة: حاضر يا حبيبتي !
وكان وجهها مستشيطا من الغيظ من برقوق ولاكن لم تستطع ان تفعل اي شيء !
ونزل يوستفندي و تفاحة … و جلس برقوق واضعا رجل علي رجل ! واكمل الماتش في سعادة تامة
ولمونة نظرت له في خبث و ابتسمت :عملت ايه يا منيل؟
برقوق: عملت كل خير !انا شربت الشاي بتاعي بس !
لمونة في خبث اكتر:بس ؟؟؟
برقوق: اه !! يعني بس اصل الطفاسة وحشة ! كفتة و مفيش ماتش و شاي ! ربنا بقي مع الغلبان ابوكي !
وضحك الاثنان في يومه فاز الفهلي علي المسالك في مباراة تاريخية (6:1)