شعبطة -2-الشعبطة جري و كحرطة


عزيزي اللي بيقري دي طبعاً بعد ما خضنا في أوائل المغامرات اللطيفة اللي الواحد بيشوفها … في بقي المغامرات اللي الواحد بيخوض فيها شخصياً بمعني أني أنا و أخويا تحديداً كنا ابطال المغامرة دي علي الرغم من تكررها أكتر من مرة…

للي مش متعود أو مسافرش بلاد مختلفة كتير في شوية حاجات مكانش الواحد بيشوفها تحديداً غير في حتت معينة زي مطار الرياض الدولي …

أتعودنا أنه المطار عبارة عن ايه ؟ بسبورك في أيدك ؟ شنطك معاك ؟؟؟ حلو ! فلق و افتح الونجات يا حلبسة !! و كمان بقي ايه في التمانينات و أوائل التسعينات ثقافة الCarry on دي ما كانتش موجودة ! كنت يابا بتسحب وراك الشنطة من اياهم اللي حاليا ً محدش بيستعملهم الا علشان يشيل فيها الهدوم تحت السرير ! أو لما تبقي يعني سفرية لوكس اسبوعين ولا أكتر!

المهم جزء الجري و التفليق ده مش بيجي وانت في المطار اللي انت مسافر منه .. لغاية هنا انت انسان محترم ! بتمشي تتمخطر تخش الجوازات  الظابط يختملك و تتمشي للcheck in  و تحط شنطك .. و بعدين تروح في الكافيتريا اللعينة اللي مكانش في غيرها تكع 10 جنيه في كان كوكا كولا بما أنه الكانز ما كانوش منتشرين و ده المكان الوحيد في مصر بيحسسك بالتطور شوية علي الرغم من ان سندوتشاته كانت بشعة بكسر الباء  لو سمحت !! و طبعاً للي فاكر المطار القديم في الفترة دي كان زو طابع حمامي مميز يدل و يحسسك انه المطار عبارة عن حمام عام كبير و كله جاي يفك زنقته فيه … بسيراميك الحمامات الرمادي اللي يبعث علي الكأبة … كنت بحس أنه المطار بيقولك غور يلا من هنا طريق بلاك !!

المهم كل ده كان بيهون .. الموضوع ما بيتعداش الساعة يعني في مش هعمل فيها ابو الحس المرهف !  والساعة بتعدي و بنركب الطيارة (الخطوط السعودية) و الرحلة في ذلك الوقت كانت حوالي لو الذاكرة مش خايناني حوالي 2:30 أو 3 ساعات

بعد ما بنوصل طبعاً كلنا تقريبا مصريين .. مفيش حد جنسيات تانية الا قليل .. اول ما الطيارة تلمس الأرض .. كله يبتدي يحضر نفسه للمعركة .. و لا الجماعة بتوع سبارطة و تحس وشوش الناس عليها علامات متباينة ما بين الحماس و الاستعداد للأشتباك و أنا و أخويا منهم طبعا الوالدة كانت بتبقي مسلمانا البسبوتات (This IS CAIRO!!!!!) و أول ما الباب يتفتح و يقولو اتفضلوا كله بيبدأ الهجووووووووووووم !!!! بس يا ريس أول وما نعدي من الباب أنا و أخويا نقمص !!! أجري يا عب حميد اجري!!!! أختراق كل المسافرين و تحس بالماتريكس افيكت واحنا بنجري و شايفين الناس بشنط ايدهم و عيالهم و أنا و أخويا نحود من ده و ننط من هنا .. و نفادي ده و لا اللي بيلعب Need For Speed في المطار !! و بعد كل هذا المجهود وصلنا للهدف! الجوازات ……..

…………..

أنا باخد نفسي بس …الجوازات … النقطة الفاصلة في أي سفرية في محطة الوصول .. وبعد كل التفليق و الجري و النط و الخزعبلات اللي احنا الأثنين عملناها دي نوصل علشا نلاقي ايه ؟؟؟ نلاقي 3 طيارات واصلين من أندونسيا و الهند و الفلبين و كلهم الفئة بتاعة العمال … فده معنا انه ظابط الجوازات هيركز مع واحد واحد و يراجع أقامته !! مما يعني أنه علي الرغم من وصولنا أول طيارتنا الا اننا بنقضي  حوالي ساعة و نص و احياناً 3 ساعات و طبعاً علي ما بنوصل لشباك الجوازات بيكون شكلنا زي خيال المأتة و الظابط بيبصلنا ساعات بأستغراب اللي هو انتو مالكو ؟؟ و حط في اعتبارك انه ما فيش كراسي !!

خلصت الليلة كدة ؟

أكيد لأ لسه بقي الساعة الفاضلة بتاعة اننا نستنا الشنط !! و الله بقي اللي الناس بتعمله بالعربيات حوداث و سباقات !! بتتسابق علي ايه !! ما كلنا هنطلطع !! و بالفعل ! اللطعة التمام لغاية ما نخلص و نجيب شنطنا , و أخيرا باب الخروج بيظهر و هنا ممكن تقول اننا ساعتها فيلم بريف هارت بيحضرنا بجملته الشهيرة “FREEEDOMMMMMM” و نتفس الصعداء و أخيرا نخرج !!

ونتقابل في شعبطة جديدة !!

One thought

  1. بصراحة حاساك قاعد معايا وبتحكي بس رغم إن دة شئ كويس إنك تبقي سلس في الكتابة كأنه كلام وجهاً لوجه إلا إن الكتابة تقتضي تظبيط في الكلام شوية. اكتب وقت ما انت عايز بس قبل النشر اقرأ وظبط. حاول ترتب الكلام عشان الواحد ميتوهش منك أنا مبقتش عارفة انت في القاهرة ولا الرياض مثلاً وبطلع وأنزل بالسكرول عشان أتابعك ودة مش صح لأن كدة في مشكلة في تسلسل الأفكار. ممكن تحط صور الأفلام اللي أشرت ليها وصورة للمطار مثلاً في الأول الصور بتعمل شغل بردو وخد بالك إن تداخل العربي مع الإنجليزي لخبط شوية في ترتيب الكلمات.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Sableyes

Sabbles woz 'ere

Michael Ehrhardt

Permanenter Ausstellungsraum

The Neighborhood

society online's social conscious

Dates & Saffron

Digging into my middle eastern roots one stew at a time

THAQAFA MAGAZINE

ARAB THOUGHT / ROOTS / CULTURE

Sharing History

Reflections of a Public Historian

Matt Miklic

Designer, and other useful things.

Author Mccloskey Speaks

A great WordPress.com site

3rdculturechildren

life of a globetrotting family of 5 in the US foreign service

purelysubjective

working out how to be an artist in this world

In Sight

"A moment's insight is sometimes worth a lifetime's experience" - Oliver Wendell Holmes

Her Life Inspired

A parenting and lifestyle blog that features parenting advice, recipes, DIY ideas, fashion tips and inspiration

2Summers

An American in Quirky Johannesburg

%d bloggers like this: