الجدة هيام


راحت أيام الزمن الجميل … كلام بنقوله كتيرخصوصاً بعد ما بنكون شفنا فيلم عربي قديم أو شفنا حد من اللى عاشوا فى الأيام دى… أيام مكانت الكلمة بتاخد وقتها إنها تتقال مش مجرد ..بتتقال…بتنحس و بتنعاش .. إمبارح رحلت عن عالمى واحدة من أخر الناس اللى كانت بتدينى و متأكد إنها بتدى غيرى و إدت قبلى كتير… إحساس بالأمان و الحب و الأهتمام .. جدة زوجتى أو “تيتا هيام” زى ما كنا بنقوللها ..راحت و راح معاها كل الحاجات اللى الواحد دلوقتى نفسه إنها ترجع .. البساطة.. الكلمة و المشاعر اللى بتاخد و قتتها مش عاملة زى فشار الميكروويف اللى فى 3 دقائق بيكون خلصان.. مش كلام بيتقال سد خانة..ساعات بحس إنهم خانونا لما سابونا و رحلو عن عالمنا علشان إحنا مش عارفين نكون زيهم .. مش عارفين نبقى سلامهم مع نفسهم و حياتهم بكل التحديات اللى قابلوها لأنه بقينا فى زمن كل همنا إننا نجرى ورا معطيات الزمن من فلوس و شغل و محاولات صعبة إننا نحافظ على إنسانيتنا اللى بقيت مرتبطة .. بزمن السرعة و يا تلحق يا ما تلحقش.. ما هو ده الزمن كده و ماشى كده ..هتمشى عكسه هتداس… قد إيه الواحد مشتاق و بيفكر يجرى إيه لو ترجع أيام “نهارك سعيد” اللى الواحد بيسمعها مصحوبة بأبتسامة بسيطة و معنية .. مش صباح الخير ال” جينيريك ” أو عامة اللى بقت عاملة زى زرار فى سلسلة المفاتيح كل شوية الواحد يدوسها دون أدنى إحساس حتى لو بصيت فى وش اللى بيقولها هتلاقى إنه حتى مش باصص و لا عارف هو بيقولها لمين …

راحت تيتا اللى كانت بتعرف واحد واحد فى أسرتها بياكل إيه و بيحب إيه و ما بيحبش إيه .. مش ولادها و لا ولاد ولادها .. دا أحفاد ولادها كمان و حتى إجواز أحفادها اللى هما أصلا مش من العيله .. راح الأهتمام الكبير اللى كان الواحد بيخده لمجرد إنه قال كلمة شكراً أو كلمة لطيفة أو حتى بوسة على راسها … يااااه .. كانت بتحسس الواحد إنه عمل عمل عظيم و بتقدر قد إيه أنت إنسان حساس إنك عملت الجيست أو الحركة اللطيفة دى .. بمنتهى البساطة .. لو أى حد جاب لها حاجة لازم كل اللى يعدى عليها يذوق منها و تقول إن فلان اللى جابها “ربنا يخليه” ..

كبرنا.. كبرنا و عرفنا قد إيه إحنا لسه صغيرين … و قد إيه إحنا لسه محتاجين … تيتا هيام كانت و أصبحت جدتى بعد ما جدتينى توفاهم الله من زمان .. و كنت بشوفهم فيها … نفس الطيبة و العطاء … نفس الهدؤ … أيوا الهدؤ بالذات .. ممكن تقعد تتكلم معاها فى أى موضوع تحسها هادية ..حتى إنفعالاتها .. زعلها أو حتى ضيقها تلقيه أهدأ مننا بمراحل … و فى أى وقت عندها وقت ليك .. إحنا اللى ما كانش عندنا الوقت ليها و ليهم ..

كانت دايماً تحب تطمئن إننا بنفسح مراتتنا .. و بردوا إنهم بيخلوا بالهم علينا … هى راحت و إحنا هنواجه الدنيا بفضاها من غيرها من غير التلفونات على رأى “عمر أباظة” … من غير “ما أكلتش من دى ليه أنا عملهالك مخصوص” .. من غير حاجات كتير قوى .. بس أهمها من غير حسها معانا .. طول عمرى بعتبر إن وجود الجدود معانا ده بركة .. بيدينا إحساس بالتوازن فى عالم المجانين اللى إحنا عايشين فيه…و لما بيمشوا من العالم ده الميزان بيميل جامد ..  أكنه بحر بيهيج .. يمكن تفتكرونى ببالغ أو بتكلم عن مشاعر مجاملة ..بس لأ … الكلام اللى ممكن يتقال كتير عن الست دى .. و مش هايخلص .. و اللى أنا أعرفه و شفته و عيشته ميجيش حاجة جنب ولادها و أحفادها ولا نجمة فى مجرة…

ربنا يتولاها برحمته و هو أحن عليها منا و يقدرنا فى يوم من الأيام نبقى بس ربعها مع ولادنا و أحفادنا ..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Sableyes

Sabbles woz 'ere

Michael Ehrhardt

Permanenter Ausstellungsraum

Dates & Saffron

Digging into my middle eastern roots one stew at a time

thaqafamagazine.wordpress.com/

ARAB THOUGHT / ROOTS / CULTURE

Sharing History

Reflections of a Public Historian

Matt Miklic

Designer, and other useful things.

Author Mccloskey Speaks

A great WordPress.com site

3rdculturechildren

life of a globetrotting family of 5 in the US foreign service

purelysubjective

working out how to be an artist in this world

In Sight

"A moment's insight is sometimes worth a lifetime's experience" - Oliver Wendell Holmes

Her Life Inspired

A parenting and lifestyle blog that features parenting advice, recipes, DIY ideas, fashion tips and inspiration

Kelly Barnhill

Author, teacher, mom. Newbery medalist. Terrible gardener. Maker of pie.

%d bloggers like this: