بس برضو فيه بكرة


أنا زيى زى ناس كتير قوى و بالذات جيل السبعينات و التمانينات إتولدنا فى فترة شفنا فيها مصر بأكتر من صورة …

وفى حاجات مشتركة ما بيننا كتير .. أهمها إننا تقريباً إتربينا على نفس المبادئ .. زى الأمانة .. زى الصدق .. إنك تكون بنى أدم محترم .. ومع كل الأخلاقيات الجميلة دى كبرنا برضو على حاجات يمكن هى النقيض تماماً زى دور وشك الناحية التانية عن أى غلط بتشوفه .. حاجات كتير أنت “مظطر” تعملها لأن هو النظام كده .. لما كان كل حاجة بتظبط  و بتخلق لنفسها نظام .. طالما مش بتدوس على صوابع نظام تانى كانت بتمشى علينا زيها زى أى حاجة تانية .. و بتدخل شوية بشوية جوة نظام حياتنا ..

إحنا كبرنا فى مجتمع كل مدى بيخاف من كل حاجة .. الجواز أصبح من سبب لسعادة طرفين أصبح صراع للبقاء .. الشغل ..مش هقول وسايط بس أسواء بنظرية .. ليه أدفع فى واحد مئة جنيه لما ممكن أفكه بعشرة بنفس المئة جنيه ..

أى نقد يبقى عيب .. لكن لو ليك مركز أنقد بس اللى تحتيك ! اللى فوق .. هو فوق النقد … فى سياسة فى شغل إنشاء الله فى كورة !

وبرضوا إحنا فى أحيان كتيرة مش بنعرف ننقد و بنهاجم و وبنرمى دبش !

كبرنا على حاجات زى مشى حالك .. وإمشى جنب الحيط  و غيره من الأمثال .. ويمكن من ده كله كان قليل قوى اللى بيعرف يتغلب على نفسه …عمرنا ما فكرنا نتطلع من اللى كنا فيه أو إزاى ممكن نطلع منه لأنه كنا إتعودنا على إننا مستنيين الحاجة الجديدة اللى نستهلكها..

دايماً بتسمع جمل زى “متوجعش راسك” “إنت مش هتغير الكون” “سيبها زى ما هى” و كلام تانى كتير .. أصبحنا تروس بتلف لمجرد أنها بتلف .. ناس تانية كتير كانت فاهمة اللى بيحصل و قررت العيش جوه قوقعة خاصة يعزل بيها نفسه عن العالم اللى حواليه ما دام هو كده كده مش هيغير حاجة ..

إحنا كنا و يمكن لازلنا عايشين فى بلد اللى بيتحكم فى متغيراته مش إحنا و الأكتر إنه مالناش ضلع فيه ..

إتعودنا أن النظام فاهم لنا كل حاجة و إحنا مش محتاجين نفكر فى أى حاجة .. طب لو النظام ده حلو و زى الفل .. أمال البلاد بتمشى قدام بالعشرين خطوة و إحنا كل عشرين سنة نصف خطوة ليه ؟

أصبحنا بنتفنن إزاى نطلع بأعذار ممكن تتفاوت فى القذارة و إنعدام الأنسانية علشان نبرر لنفسنا الغلط فى أى حاجة من أول التحرش لحد السرقة .. و كله بمبدأ “ما غيرى بيعمل كده ..إشمعنى أنا!”  كلمة “إشمعنى” دى فى حد ذاتها كارثة .. كمية المقارنة شنيعة تدعو للغثيان ..

إحنا كبرنا لغاية ما 25 يناير نزلت بجردل مية ساقعة على وش الناس .. أنا ما نزلتش و مش هدعى حاجة أنا أبعد ما أكون عنها .. ألا وهى البطولة و الكلام الكتير ..بس المية الساقعة دى صحت حاجة الناس كانت ناسياها .. إنها ممكن تحلم ببكرة ..  أو بحاجة أحسن ..

و للأسف إحنا ما بين إتغرينا و إتغرر بينا .. و ممكن لأسباب كتير و أكتر من حاجة … علشان مفهمناش الموضوع صح أو إزاى نتعامل معاه .. حصل اللى إحنا فيه دلوقتى .. مش هخوض فى التفاصيل لأنه كله عارفها أو عارف اللى عايز يعرفه ..أو اللى عايز الناس تعرفه..

دلوقتى جيلنا مشتت ما بين عايز يعيش و يرجع يمشى جنب الحيط ..ما بين بيحلم و بيطمح إن النظام يطلع فعلاً كويس و بيدعى فى سره “يا رب ما أكلش على قفايا” .. ما بين مقتنع عن خوف أو قناعة إن النظام ده هايل بس محتاج وقت.. ما بين محبط و محطم و فقد الأمل.. ما بين غضبان و الدم بيجرى فى عروقه .. ما بين لا كده فارق و لا كده فارق و ناس عايزة تهج من كترة ما فقدت الأمل !  و يمكن يكون فى فئات تانية أنا نسيتها …

إحنا بقينا عايشين جوه دويلات فى عقلنا .. دول خايفين من دول .. ودول هيضربوا دول بدول .. ودول هيستغلوا دول بدول .. و العجلة بتلف..

إحنا كلنا عايشين فى أشباه عيشة فى شبه دولة أو يمكن مش دولة هى حاجة بيحاول يطلعلها أى منظر ..

إحنا عمرنا ما إتعودنا نطلع بحلول .. علشان كده حتى لما ناس كتير بتثور معندهاش الحل و مستنية الحل من حتة تانية .. و حتى أى حد شغال فى البلد مش عايز يطرح حل .. مش عايز مسئولية .. مش عايز وجع دماغ !

بالأضافة لكلمة معلش اللى لبانة مع أى حاجة خربانة … يا جماعة رئيس شركة طيران كوريا الجنوبية عزل بنته من مكانها فى الشركة كنائب رئيس و خلاها تعتذر فى مؤتمر صحفى قدام العالم علشان عطلت طيراة و عاملت موظف بطريقة مش لايقة ! وإحنا بنزعل لو حد إنتقد أداء رحلة فى مصر للطيران .. أو أى شركة .. ليه ؟ إحنا أحسن ناس فى الدنيا ؟ طب إدينى أمارة غير أم ال7000 سنة حضارة اللى إحنا حتى مش عارفين نحميها من السرقة و البيع !!!

أيوا طيب ال7000 سنه دول عدوا يا كابتن !! عدوا يا أستاذ!!! والنعمة عدوا بقالهم كتير !! إحنا مبقاش فى حضارة إحنا بقينا فى مستنقع !! إحنا منقوعين فى لا مؤاخدة و بنبلبط فيه ! إحنا بقينا من 7000 لزيرو (0) حضارة

إحنا نص اللى ماسكين أى حاجة فى البلد مش عارفين اللى زيهم بيعملوا إيه فى بلاد تانية ولا وصلوا لأيه! و الأنكت إنهم فاكرين إنهم بيبهروا العالم!!

هينبهروا بأيه ؟ بالزحمة ؟ بالتلوث ؟ بالأهمال ؟ بمستوى المعيشة اللى بقى تحت الأرض؟ بالمبانى الأثرية و التاريخية اللى بتتهدم علشان يطلع مكانها “برج الزهراء السكنى ” أو “مول العنقاء التجارى ” ؟ ما هو الواحد بس يبقى واضح مع نفسه 30 ثانية بس مش أكتر !!
فى مشاريع ؟ أه فيه ! بس ممكن حد يوضح للسادة المشاهدين لمرة واحدة بشئ من الحرفية ايه المشاريع و هتهبب إيه ؟ مش واحد يطلع فى الرديو 5 دقائق و شكراً !!

الأمن ؟ ………………………………..؟ ده بالنسبالى علامة إستفهام مش فاهم منه حاجة … بشوف حاجة واحدة عدله قصادها مئة حاجة وحشة! أنا راجل هدعى أنى عندى فكرة ولو بسيطة .. بس واقع اللى إحنا فيه إسمه عك .. بس ما هو بجملة اللى عايشينه !

واقع إنه كلنا عايشين هنا و هناكل و هنشرب و هنتجرع ال…… بس برضو لازم نتغير .. لازم نطلع بحلول ! طول ماحنا قاعدين مستنيين .. منتقدين و بس  .. يبقى كل سنة و أنت طيب!

يمكن دلوقتى السواد هو الحالة اللى إحنا عايشنها .. و الخوف و الرعب .. ويمكن ده فى مصلحة ناس إن ما كانش أكيد فى مصلحتهم ..

بس ده مش معناه خلاص أو نبطل نحلم أو نفتش على الأمل .. الأمل هيفضل موجود .. و هيفضل مستنى إننا نأمن بيه .. بس هيستنى مننا أكتر من كده و هو إننا نحققه .. و ده مش هيجى بالعياط على اللى فات .. ولا الأكتئاب و لا التقوقع .. ولا أى حاجة من دول !

مش هييجى غير لما نبتدى نعمل اللى علينا كفرد كشخص و تفضل مستمر لغاية ما حلمك يتحقق !

 يمكن كلامى يكون مثالى أو أحلام وردية ! بس ما فيش بلد إتبنت على إكتئاب و إطورت على كسل و لا طلعت من العك اللى هى فيه بالقعاد و حططان الأيدين على الخدود ..

كلامى كل الناس عارفاه بس مش عايزه تشوفه .. أفتح عينيك طول ما أنت مغمض هتلبس فى عواميد نور!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Sableyes

Sabbles woz 'ere

Michael Ehrhardt

Permanenter Ausstellungsraum

The Neighborhood

Society online's creative conscious.

Dates & Saffron

Digging into my middle eastern roots one stew at a time

thaqafamagazine.wordpress.com/

ARAB THOUGHT / ROOTS / CULTURE

Sharing History

Reflections of a Public Historian

Matt Miklic

Designer, and other useful things.

Author Mccloskey Speaks

A great WordPress.com site

3rdculturechildren

life of a globetrotting family of 5 in the US foreign service

purelysubjective

working out how to be an artist in this world

In Sight

"A moment's insight is sometimes worth a lifetime's experience" - Oliver Wendell Holmes

Her Life Inspired

A parenting and lifestyle blog that features parenting advice, recipes, DIY ideas, fashion tips and inspiration

2Summers

An American in Quirky Johannesburg

%d bloggers like this: